وين الوفا … يا كاس؟
كنت أجلس وحيداً في شقتي في حدائق جبل علي في ايام مضت … صديقي الكأس، عندما كان أحلى صديق، أحدثه بفمي، فيجيبني من رأسي … ونبقى هكذا حتى ننتهي بالفراش … أضع رأسي على المخدة. وهو يهرب الى قلبها … ونبقى هكذا حتى الصباح … ونعود فنلتقي في المساء … فكتبت وصفاً لإحدى الجلسات…
وحدي انا وهالكاس
جالس على الكرسي
بتأمل بهالناس
ما في حدا يحكي
بحاكيه ما بيحكي
بحكي انا نفسي
ونتفي ورا نتفي
القندبل عم يطفي
بركض تَ عبيه زيت
بيسبقني وبيطفي
برجع لعند الكاس
الوحدو عم يضوي
بيضوي وبضوّي الراس
وكل الدني عتمي…
ويا كاس يا هالكاس
إنتَ رفيق الدرب
بتساير الحسّاس
بتوصل معو للراس
وبتتركو يلوي
وقنديلو يطفي
وين الوفا يا كاس؟؟…
في ناس بتفكّر بدون الكاس
وناس بدون الكاس ما بتحكي…!
حنا حبيب فرحة
حدائق جبل علي-دبي
30 تموز 2003
وين الوفا … يا كاس؟
From Facebook