من مؤلفي القادم المنتظر وقف الحروب وعودة المطربين الى لبنان، "كلمات تغنّى"… هذه الكلمات:
تيتي تيتي يا تيتي
متلما رحتي جيتي
قعّدوكي بالصالون
وانتي خرجك تتخيتي
قدمولك قهوي وشاي
ورز بحليب طعموكي
تيتي تيتي يا تيتي…
أخذوكي مشوار عالبحر
قصدن كان يغرؤوكي
ركضتي وهربتي منهم
لحقوا فيكي ومسكوكي
واخذوكي على صيدا
وعا كورنيشها مشّوكي
طلعوكي عالقلعة
وبأحسن مطعم غدوكي
تيتي تيتي يا تيتي
متلما رحتي جيتي
زوّروكي بيت الدين
ودير القمر فرجوكي
ومن هناك على شتورة
وتبولي وسمك عشوكي
ونيّموكي بالأوتيل
وما حبوا يزعجوكي
وتانب يوم من قبل الضو
على بعلبك أخذوكي
ومن بعلبك هربتي عالشام
ومن الشام راحوا جابوكي
ورجّعوكي على البيت
وبيبيتك حبسوكي
ووقفولك على الباب
حارس حتى يحميكي
وضربتيه من عيونك جوز
صرخ الله يخليكي
ورأساً فتحلك الباب
وقلك اوعا يشوفوكي
ولما إجو على البيت
فتشوا ما لاقوكي
قالوا عنك شيطاني
فعلاً انتي عفريتي
تيتي تيتي يا تيتي
فعلاً انتي عفريتي
تيتي تيتي يا تيتي
فعلاًإنتي عفريتي
حنا حبيب فرحة
حدائق جبل علي-دبي
يوليو 2004
اعادة:8/5/2026
من مؤلفي القادم المنتظر وقف الحروب وعودة المطربين الى لبنان، "كلمات تغنّى"… هذه الكلمات
From Facebook