شوية غزل ربما يطرّي الزعل…!
تعي الله يخليكي…
صرلك جمعة حرداني
مش عارف كيف راضيكي
عمبيقولي زعلاني
من شو الله يخليكي؟
شفتك صدفي من يومين
قرّبت تا أحكيكي
برمْتِ وجك، درتِ ظهرك
وتركتيني بطريقي
إحترت بامري سرت بدربي
عمفكر كيف لاقيكي
قلت بتلفن، فتحت الخط
ما ردّيتي تشكيكي
صدقيني من دونك ضايع
عمفتّش عا طريقي
بروح يمين بتروحي شمال
وقفي الله يخليكي
سمعي هالكلمتين الزغار
مني يا أحلى شريكي
انتي بقلبي بتظلّي
وين ما رحتي او جيتي
وِنْ شفتيني على الدرب
قربي مني لعطيكي
بوسي عالخد وعالخد
ون رفضتي بعاديكي…
من زغرتنا صحاب حباب
ما بقدر غير سلوكي
ما بنسى هيك الايام
وحبنا العذري والاحلام
كنت بعيوني حاكيكي
نظرة منك تِسعِد يومي
ونظرة مني تكفيكي
خلينا صحبي وحباب
ما إلك غير طريقي
ما تقولي بعدِك زعلاني
انا بروحي بفديكي
إنت بفكري ليل نهار
تعي الله يخليكي…
هيك كان الحب هك الايام…!!!
حنا حبيب فرحة
30/5/2024
شوية غزل ربما يطرّي الزعل…!
From Facebook