كتبت المقطوعة التالية من ايام شامل وشوشو وبرنامج "يا مدير…"الرائع … كان الشعب يعاني واليوم يعاني أكثر من اي وقت…!!!
آآآخ … يا شوشو
آآآخ … يا بلدنا
آآآ. خ … يا شامل
يا أحلى مدير
آآآخ … يا وطنّا
وحدك … الامير…
هالبلد كان الحلا…!
وبفضل حكامو
عمو البلا
وعمّو الوجع والأنين…
وصار لفوق راسو
غرقان بالدين … وبالتعتير
وماشي بسرعة البرق
صوب أخطر شفير…!
رياسنا المحترمين
إنتو كبار
كبار … كبار كتير
ونحنا هالشعب المسكين
زغار … زغار كتير
نحنا هالمواطنين
والله محتارين
منعاني ليل نهار
وحضرتكم مبسوطين
وعظهورنا راكبين
وماشيين … ومش ساءلين
صوب المهوار
صوب أصعب شفير…!
ريّاسنا … المحترمين…!
نحنا المواطنين
عمنسأل … جاوبونا
شو منعمل تنصير
مجرد موا … طي … نين
الحمدالله شلّحتونا
كل شي معنا … وعلينا
نسوانّا شلحتوهن
حتى التنانير
وإلنا شلحتونا
الصبابيط … والكلاسين
وتركتونا … عريانين
حتى من ورقة التين
بدكم أكتر
بعد في أكتر
لِجلود … العظمات … وكم نقطة الدم
البعدها … بالشرايين
كلن … مقدَّمين
تتظلوا منشرحين
وتظلوا … مهيصين
وعظهورنا راكبين…
حنا حبيب فرحة
6/3/2025
آخ يا شوشو
From Facebook