Skip to content / تجاوز إلى المحتوى HANNA A · flat-top · v0.5.1 HANNA A · flat-top · v0.5.1 HANNA A · flat-top · v0.5.1 HANNA A · flat-top · v0.5.1 HANNA C · flat-top · v0.5.1 HANNA C · flat-top · v0.5.1 HANNA C · flat-top · v0.5.1 HANNA C · flat-top · v0.5.1
HANNA · WORDS / WIND / WORKS
Hanna Habib Farha.حنا حبيب فرحة
His StoryحكايتهWritingsكتاباتهThe Kite Cornerركن الطائرات الورقيةBooks & Appsالكتب والتطبيقات
Painting
with words.
His StoryحكايتهWritingsكتاباتهThe Kite Cornerركن الطائرات الورقيةBooks & Appsالكتب والتطبيقات
HOME/WRITINGS
← Back to Writings
PoetrySigned · 10 December 1996

وَلَك تفه عَ هيك حضارة

From Facebook

من وحي ملصقات "تفه"التي إبتدعها الأخ العزيز سري صليبي في التسعينيات من القرن الماضي وبدأت تظهر على ثياب المواطنين وسياراتهم … تعليقا على الفكرة كتبت التالي: وَلَك تفه عَ هيك حضارة النظافة من الإيمان واللي ما عندو إيمان بيرمي زبالتو وين مَ كان وبسميها شطارة بيرميها عَ روس الناس وبقلك لَ هالمداس ما بتفرق معو حكومي ولا بيئة ولا وزارة وقفاه على الحضارة… بيرميها عَ روس الناس ليش بتفرق معو الناس؟؟؟ آخ لو معي شي مسّاس ت أخنقلو هالأنفاس وفرجيه جزا الحقارة… دخلك قلّي شو هالناس البَلا أخلاق واحساس؟؟؟ ولك تفه على هيك ناس وتفه ع هيك شطارة… بتشوفو بالسيارة مسرع متل الطيارة وولادو القاعدين ورا بكبّوا غراض المرا وبكبوا كياس … "الهوا" عَ هالناس المَساكين إللي جنب الحيط ماشيين وما بدهم غير السُترة لأنْ ما في بظهرن ظهر وعيشتهن تعتير وقهر ماشيين ودايما خايفين من بوليس النظارة حتى ما يفقعهن ضبط ويربط قضيتهم ربط ببراميل الحضارة الكلا سموم وقذارة الجايتنا من بلاد الغر الما بيجي أي شي منو بِسِر وبيسعد هالقلب ولك تفه على هيك غرب وتفه على هيك حضارة… وإذا عترضوا لمساكين بيضرب جزمتو بالأرض وبصيح انتو مسؤولين عن كل هيدي لبراميل المفوني بجبل صنين بفاريا وبنهر الكلب بالشوف وبصيدا وجزين وجنب الأرزات الحلوين وهالبراميل الخلوها تفوت قاعدة بمرفأ بيروت عم تستنى "الاوادم" ت ياخذوها عَ عشقوت او على مزيارة… ولوه وين نحنا عايشين شو هالحالي المنهارة ونبقينا كم شهر هيك منقول باي باي للبفتيك وللقوارما والكشكات وللعرقات لِمْتلتات وللكعكات والخبزات وللحمصات والبرغلات وللعدسات والطرمسات وباي ل أحسن وزارة ولك تفه ع هيك حضارة… حنا حبيب فرحة بيروت في 10/12/1996
EDITORIAL SUMMARY

In a poem signed in Beirut in 1996, Hanna turns a slogan against littering into a satire about waste, class and accountability.

← Previous articleجيت ارضكم ابغي ذهب ونقود1998Next article →كلمات أغنية للأطفال3 October 1996Back to Writings
HANNA HABIB FARHA
Painting
with Words.
حنا حبيب فرحة
ABOUT THIS PLACE

A living home for the writing, teaching and kitemaking of Hanna Habib Farha. A family-led project to keep his work available for generations to come.

Discover his story

HANNA · MADE FOR A VERY PARTICULAR MAN© Hanna Habib Farha. All rights reserved.

Image preview

Loading image…