من الشرفة هذا الصباح…
تعليقاً على اللي عم بشجعونا وبشجعوا ولادنا عالسفر … إسمعوا :
يا الله قديش مشتاق
لصرة قماش من صنع ايدين امي
فيها بيضة مسلوقة
اربع خمس حصوص زيتون جنوبية
راس بصل سلموني بقاعي
قرص لبنة معزى شغل شبعا او كفشوبا
وكاس عرق متلّت
عملّي ياه الوالد قبل ما رحل
ووصاني احافظ عليه
وما اشربو إلا بالمناسبات الحلوة
والنومي على السطيحة بالصيف
وحد وجاق الحطب بالشتا…
هيدي بتسوا اوروبا واميركا وكل الدنيا…!
حنا حبيب فرحة
18/11/2024
قديش مشتاق
From Facebook