معرض الكتاب في بيروت 2025 بعد تردد حوالي اسبوع من الذهاب الى معرض الكتاب هذا العام، نزلت يوم الجمعة الماضي حاملا مساطر من مؤلفاتي السابقة وبعض المؤلفات الجاهزة للطبع اللاحقة بإذن الله، علّني أحظي بدار نشر نبحث مع اصحابها إمكانية التعاون … إلا انني صُدمت بردود الفعل من الذين تحدثت معهم وبترداد هذه المسطرة من عباراتهم التالية :"نحنا مش عم ننشر كتب … ما انت شايف الحالة … ما حدا عميقرا…" وتسألهم : ولماذا المعارض إذاً … يجيبون: نحن نريد ان نبعث بعض الحياة في الكتاب وباننا ما نزال موجودين … الخ…
جلت في هذا المعرض الرائع والمنظم بشكل يدعو للفخر والإعتزاز، وعدت الى منزلي غاضباً حزيناً، وانزويت في إحدى زوايا مكتبتي، ورحت اندب: حيف يا لبنان يصير بكتابك هيك انت اللي اخترعت الحرف ووزعتو عالعالم هيك ويل البشر من دون لكتاب والقلم الجهل رح يعِم ّ وبظهرو الالم… مني نصيحة لهالناس الطيبين الي عندهم لكتاب ما الو سعر ولاثمن ما تيأسو ياناس، وما تغلقوا باب الامل… حنا حبيب فرحة 28/5/2025