بعض قصصي هذه الايام عم تكون غير شكل … تفضلوا إقروا هذي:
حلم غير شكل…!
زوجتي تسلمني هاتفي قائلة : "مخابرة خارجية…"
- من مين؟
- ما بعرف … الرقم غريب…!
- ألو … معك مار بطرس … في إلك رسالة من" السيد"…
- خير إنشالله … رسائل السيد كلها خير…
- عم يسأل إذا بتعرف الطريق لعنده…؟
- ليش هالسؤال؟
_ قال كتير من الأوادم والطيبين عم بضَيْعوا طريقهم لعندو…
- وين بروحوا؟…
- قال معقول بالطريق عم يخطفهم إبليس وعم ياخذهم لعندو…
- طيّب … شو لازم نعمل بهالحالي؟
- السيد بدو يعرف ايمتى بتكونوا جاهزين للسفر. هوي رح يبعتلكم من قِبَلو ملاك يرافقكم ويدلكم عالطريق…
- بتعرف ايمتى بدو يانا نكون عندو؟
- بدو ياكم بأسرع وقت … لأنو بلادكم ما عاد تسوا للأوادم
- بس قلو يطوّل بالو علينا شوي … نحنا منخبرك يا مار بطرس ايمتى منكون جاهزين للسفر
- طيب … منبقى على إتصال … الى اللقاء،…
(ملاحظة:عادةً انا بنسى أحلامي بسرعة … بس هالحلم قيّمني من الفرشة الى المكتب حتى أسجل ما حدث تماماً … تاركاً لكم التعليق إن أحببتم-تحياتي لكم)
حنا حبيب فرحة
5/3/2024
حلم غير شكل
From Facebook