يا الله شو مشتاق…!
ذكريات خالدة لأيام لن تعود…
انا حالياً منكب على إنهاء كتابي عن جديدة مرجعيون شعراً، والذي أشمل فيه كل من مر في حياتي في الجديدة، كقريب وصديق…
وهذا مثال عن أحد الاصدقاء الأحباء الحلاق "خليل بو كسم"… تحية لروحه…
يا الله شو مشتاق
لشارع الخياطين
ولأجمل جلسة
مع عازر وسليم
وعيسى جوز لولو
للياس وسكندر
وللخياط ظاهر
النيّم عا طاولتو
ابو مراد الياس
لأنو ظاهر كان قصير
والياس طويل طويل
تَ ياخذ أحلى قياس
يا الله شو مشتاق…
لأهضم الحلاقين
لبو كسم خليل
لقعّدني عالكرسي
وبلّش يقص شعري
وفجأة وصل ابنو
دخل حامل كتبو
وقلو لبيّو
درّسني يا بيي
عنا فحص بكرا
قلو خليل أقرا
وبلّش المسكين يقرا
"ذهبت أمي الى السوق…"
ولك شو راحت تعمل
بنت الهيك وهيك بالسوق؟
إقرا يا إبني إقرا
" وعادت وقد إشترت…"
ولك شو إشترت يا إبن الصرمايي
منين جابت المصاري؟
وتلعثم الصبي وفهم
شو بيّو حِكي
ورجع عالبيت يبكي…
يا الله شو مشتاق…
حنا حبيب فرحة
8/12/2025
يا الله شو مشتاق
From Facebook