ياحلالي ويا مالي
إغنية تراثية أنشدها الفلسطيني والسوري والاردني واللبناني والعراقي…
حافظتُ على العنوان والّفت كلمات جديدة بأسلوب قصصي ينسجم مع روح العنوان واللحن المعروف آملاً في التوفيق بإيجاد المطربة "الجنوبية"لتبنيها وغنائها، مع الشكر سلفاً لأي صديق يحاول المساعدة في هذا الموضوع…!
يا حلالي ويا مالي ويا رَبعي ردّوا عليِّ
يا حلالي ويا مالي (الكورس)
يا حلالي من حلاه وعيونا السود مكحّلا
يا حلالي ويا مالي
كنت واقفي ورا الشير سارحة بهالدِّني الجنّي
يا حلالي ويا مالي
هجموا علي شباب الحَيْ وكبّلولي إيديّي
يا حلالي ويا مالي
رمِيت حالي من ورا الشّير وطل الظابط عليّي
يا حلالي ويا مالي
هرَبتْ وتخبيت منو بين زهرات الريحاني
يا حلالي ويا مالي
مِسِكني وربّط إيديْ بياسمين حقل البستاني
يا حلالي ويا مالي
وشكّل شعري بزهرة حُب بيضا بْرِضى الربّاني
يا حلالي ويا مالي
وضَمْني وقبّلي خدودي وقلّي يللّا يا حناني
يا حلالي ويا مالي
إمشي عالجامع عالدير وما تقولي كاني ماني
يا حلالي ويا مالي
حُبنا نقي متل المَيْ الخلقا الربّ العالي
يا حلالي ويا مالي
ما تردّدْت وِمْشيت معو لَعند قاضي الزماني
يا حلالي ويا مالي
ودَخلنا عأ قفص الحب تا نبني البيت الهاني
يا حلالي ويا مالي
وركَضوا الناس عْلينا تا يقدمولنا التهاني
يا حلالي ويا مالي
ويتمنولنا العيش الهني بحُب وثقة وتفاني
يا حلالي ويا مالي
والعاقبة لْكل العزّاب الواقفين بالصف التاني
يا حلالي ويا مالي ويا ربعي ردوا عليي
يا حلالي ويا مالي…
صباح الفرح من حنا حبيب فرحة
4/1/2024
ياحلالي ويا مالي
From Facebook