وهذي مجموعة من كتابي :أطرف نكتة"والبسمة ببلاش: 1-واحد شاف رجال أمي قاعد عالطاولة، قدامو ورقة وبإيدو قلم. سألو شو عم تعمل -عم أكتب مكتوب لعمي؟ -ليش إنت بتعرف تكتب؟ -وليش هوي بيعرف يقرا… 2- كان لأحدهم زوجة بشعة، وكانت تضايقه وتنتهز الفرص للتنغيص عليه رغم ما يعاني من الفقر … فقالت له ذات يوم:لماذا لا تصلح الزجاج المكسور حتى لا يراني الجيران؟ فقال لها: لا تقلقي فان الجيران لو شاهدوك لأصلحوه على نفقتهم…! 3-ماما ماما … ليش البابا شعرات راسو بينعدّو؟ - لأنو بفكّر كتير…! -وانت ليش شعراتك ما بينعدّو؟ -لأنو … لأنو روح أدرس متايلك وبلا سؤلات بلا طعمه… 4- طلبت تريّا ام زوجة طانيوس معتوق وكان من ظرفاء مرجعيون، ان يصعد على اليوك حتى يحضرلها بعض رؤوس البصل … فوقع طانيوس وأصيب برضوض في جسده … فراحت تريا تصيح:ضيعانك يا طانيوس … راح طانيوس … يا ذِلّك يا بنتي … يا تعتيرك…
فقال طانيوس وهو يئن من الوجع…:"طمني بالك … كل شي تكسّر فيي، إلا حصة بنتك … حصة بنتك محفوظة،"…
شو رايكم بهالمسطرة من النكات … هيدي إلكم مجانية … بَطبع الكتاب وانتو حاضرين تشتروه؟ فضلت أسألكم، لأنو ناشرين الكتب هالإيام آكلين هوا… تحياتي للجميع حنا حبيب فرحة 13/11/2023