نسمي … تنتين … تلاتي…
الموني…
نسمي تنتين تلاتي اربع نسمات
العيشي بلبنان الحلو أحلى عيشات
تلجي تنتين تلاتي أربع تلجات
حضّر حالك للشتا وكتْر الحطبات
وجهّز بيتك بالموني بأطيب أكلات
البرغل، لفريكي، الزيتون والعرقات
وما تنسى عسلات لبنان مع الكشكات
القاورما، البيض البلدي والطرمسات
دبس الخروب والعنب والطَّحينات
الجوز، الزبيب، العدس والصنوبرات
التين، اللوز، الفاصوليا وْلِمربيات
واطيب نبيذ من شتورا والضفدعات
وروح تمتّع بِ زحلي بأشهى المازات
تبولي، حمص، غنوج ومقبلات
مازة البردوني البتملّي أربع طاولات
يا الله شو هالعيشي بأرض الجنات
مع القمر السارح بالذكريات
ما فيك ما تمضّي معو سهرة وسهرات
بتحكيلو وبيحكيلك أحلى حكايات
وكل عام وانتو بالف خير
حنا حبيب فرحة
30/12/2025
نسمي … تنتين … تلاتي
From Facebook