مين منا مش مشتاق يرجع عالضيعة…؟ تعالوا نرافق الشاعر الكبير اميل مبارك في كتابو :"أغاني الضيعة"…
مشتاق إرجع عالضيعة مشتاق كتير
أتعمشقلي بشي تينة وصيد عصافير
عنّت عا بالي الضيعا ويا ما مشتاق
عبّي السلي بكوعي وحوّش جرجير…
مشتاق عا دق المجوز إرعى العنزات
ومرشق توتات العودي وطعمي القزات
مشتاق إرجع إتلقّح تحت اللوزات
وبسياج الضيعا إصلي الدبق بكير
مشتاق إرجع عالضيعا شوف رفاقي
وإسرح بمروج الخضرا وجو الناقي
وإسمع دجاجة ستي عمبتقاقي
ورافق جدي وبقراتو وأحملّو النير
مشتاق إرجع إتفرّج عا بيت بيّي
وموقدة الكنت حدا مد جريّي
مشتاق شوف الصفصافي ونبع الميّي
حد البيت اللي تركتو انا وزغير
مشتاق إرجع عالضيعا صار لي زمان
تارك مرتي وولادي وكل الإخوان
مشتاق إرجع عالصيري شوف الفدان
شوف الجحشي والنعجي والقراقير…
الله ما أجمل شعرك يا إميل مبارك … الله يرحمك…
حنا حبيب فرحة
25/11/2024
مين منا مش مشتاق يرجع عالضيعة…؟ تعالوا نرافق الشاعر الكبير اميل مبارك في كتابو :"أغاني…
From Facebook