من أروع ما غنّت فيروز … "إسوارة العروس"لجوزف حرب"…
إسوارة العروس مشغولة بالذهب
وانت مشغول بقلوب يا تراب الجنوب
رسايل الغياب مكتوبي بالسهر
وانت بالعز مكتوب يا تراب الجنوب
وبتولع حروب وبتنطفي حروب
وبتظلك حبيبي يا تراب الجنوب
اللي حامل ع كتافو زيتون وسنابل
قلعة بحر صور وصخرة جبل عامل
اللي حامل اوراق شُعَرا وعشّاق
القمر مخبيلن لعراسهم خواتم
ما بيقدر يحمل ظالم
وشو ما إجا شعوب، وشو ما راح شعوب
كلن رح بيفلو وبيبقى الجنوب
لما بغنّي إسمك بشوف صوتي غِلي
إيدي صارت غيمي وجبيني عِلي يا جنوب
الشمس بتطلع سودا وبيبس الموج
إذا بفكر إنو ترابك مش إلي
ويا شعب الشعوب الأقوى من لحروب
بتبقى إذا بيبقى يا شعب الجنوب…
فلنحفظ هذه القصيدة عن ظهر قلب ونظل نرددها مع فيروز العظيمة
حنا حبيب فرحة
19/4/2026
من أروع ما غنّت فيروز … "إسوارة العروس"لجوزف حرب
From Facebook