لبنان يا لبنان…!
حلمك يا لبنان بالجيش اكتمل
انت والجيش حبنا وكل الأمل
ولادك التاهو بهالدني كلن إجو
تَ يرفعوا البنيان مع جيشو البطل…
فاتح صدرك عالميلين
تَ تتأهّل بولادك
الرجعوا من بلاد الغربي
تَيْعيشوا على ترابك
وينضمّوا لَ أحبابك
يا لبنانّا انتَ الخير
انت النور وإنت العين
إنت القمح العم بموج
إنت الأرض الكلّا مروج
انت النسمي وانت الريح
انت الأرز الما بزيح
انت النبع وانت الصخر
انت النار الكِلا جمر
انت الكلمي وانت الحرف
انت السيل بيجرف جرف
انت العدل وانت الوعد
انت الحق بيرعد رعد
جيشك جاهز يا لبنان
كلو تصميم وإيمان
تيثبّت ارض الحرّيي
اللي عليها تأسس لبنان
يللا نعمل إيد بإيد
حتى القوي فينا تزيد
ت نقضي على العدوان
ونعزّز ركن البنيان
ويدوم عزك يا لبنان…
حنا حبيب فرحة
20/2/2025
لبنان يا لبنان
From Facebook