عودة الى الأمين الأمين عجاج المهتار
ما في أحلى من إنك تشارك عجاج المهتار ب"زوادته"… إذا بعدك ما تروّقت … الترويقة مع عجاج بتعبي المعدة والراس…
عامود السما
بعدفواجع 1958
لبنان، راس النبع، فالش عالدني
روح الرسالة، وقلب، هالجسم الغني
ع صخرتو ملوك البسيطة بتنحني
وتحطّمو عليه مخوخ الفاتحين
لبناننا :النسر لحلّق بالفضا
زند البطولة، وسيفها وحكم القضا
حضن المحبة الشاملة، وعين الرضا
مش "قن" ومغارة لصوص ومجرمين
لبناننا: حصن الكرامة والهدى
وخندق جنود الحق ورجال الفدى
وغيرنا ل"الحرب" ما بيّن حدا
وما منتركو-مرعى حمير-الغاصبين
لبنان إلنا، وهيك بدنا نكوّنو
بدماتنا وزهر الفدا - منلونو
والارز بهلال الفلك -منصونو
تيظل - عامود السما - عالي الجبين
ونحنا نذرنا للجهاد وجودنا
ونفوسنا ورواحنا وزنودنا
وصار الوطن بقلوبنا - معبودنا -
ع هالشهادة الصادقة حلفنا يمين
عرزالنا عجبين صنين انحفر
من قلب كشحاتو لمع ضو القمر
وبلادنا -زواويد- عمتعطي البشر
خمر وعسل-وفكار تقري الجايعين…
تحية لروحك الحلوة يا حضرة الأمين…
حنا حبيب فرحة
22/12/2024
عودة الى الأمين الأمين عجاج المهتار
From Facebook