عدنا يا لبنان … عدنا
شردنا يهالدني ناس شرق وناس غرب
واليوم عدنا يا حبيب القلب
تنعيش باقي العمر
عا ارض الوطن
عدنا يا لبنان عدنا
هيك حبينا وهيك ردنا
برمنا العالم درنا الكون
بحلاك ما لقينا وشفنا…
عدنا نغنيلك عدنا
بجمالك سحنا وذبنا
اشتقنا ايه والله اشتقنا
ولربوعك عدنا رجعنا
رجعنا لبيروت وجزين
رجعنا لشمسك يا صنين
لبعلبك وبيت الدين
وكل الضيع الحلوين
لِبيوتا قرميد وطين
اللي فيها نحنا خلقنا
وبحقولا ربينا لعبنا
وعتلالا طلعنا نزلنا
ومن حواكيرا قطفنا
تفاح ورمان وتين
ورد ومنتور وياسمين
عدنا الهجر عذّبنا
ياما شقينا وتعبنا
نحمل هالكشّي عالراس
وندق على بواب الناس
تنبيعن شي من عنا…
وهللأ عدنالك … عدنا
أطلب شو ما بتتمنى
انت عالعين وعالراس
انت املنا كلنا
عدنالك عدنا عدنا
ت نبني بسواعدنا
كل شي تهدم بِ هالحرب
الملعوني اللي خربتنا
ونعيدك أرض المحبّي
اللي عليها ربينا وعشنا…
عدنا يا لبنان عدنا
هيك حبينا وهيك ردنا
درنا العالم … درنا الكون
متلك ما لقينا وشفنا…
حنا حبيب فرحة
8/6/2025
عدنا يا لبنان … عدنا
From Facebook