شعب مروْبِصْ … نيالو…!!!
شعب مروبص، نيالو
لو تعرف شو عبالو
عبالو يمشي عا نور
وما تظل العتمي قبالو
عبالو يشرب أطيب مي
من أرضاتو وجبالو
عبالو ببلد العلم
الدولة تعلّملو ولادو
عبالو لما يمرض
الدولة تراعي أحوالو
عبالو لما ينام
ينام مرتاح فاضي بالو
وما يظل يفكر عطول
كيف يسترجع أموالو
اللي سرقلو ياها البنك
البنك المركزي ما غيرو
وعبالو لم يموت
الدولة تحفرلو قبرو
وما تقلو نام يا عكروت
ما بتستاهل هالتابوت
العارنا ياه جارك … هاتو
حنا حبيب فرحة
23/12/2025
شعب مروْبِصْ … نيالو
From Facebook