عام 2004 عندما كنت في دبي، طلب مني ابن العم غسان ان اكتب له كلمة يلقيها في حفل زواج إبنته "دانا "وخطيبها حليم شحادة … كتبت هذه الكلمة الا ان غسان وجدها كتير عاطفية وقال لي بالحرف: يا حنا، هذه الكلمة جميلة جداً لكنني لا أستطيع القاءها في الحفلة … فكتبت كلمة أخرى واحتفظت بالقديمة … وقلت فيها :
دانا انا بيّك، انا غسان
بطلّع مش مصدق
بتساءل وحيران
بسأل رفيقة الدرب
الجلان والجيران
هالبنت يلّي مبارح بلبنان
كانت بارض الدار
طفلي وشو طفلي
كانت متل لعبي
وحلوي وشو حلوي
واليوم يا بنتي
ما شالله كيف صرتي
كِبر الحلا كبرتي
وصرتي عروس الدار
المنّا القمر بغار
وبقيتي يا دانا
نتفي ورا نتفي
تَ كبرت النتفي
وحلم الحليم صرتي
بقلبو فتحلك باب
وسكر عليك الباب
وقلك بأعلى صوت
إنتي إلي إنتي
قربي علَيْ قربي
نامي على زندي
قلبك جنب قلبي
قربي عليْ اكتر
أكتر من النتفي
تَنجمع النغمات
ونوحّد الدقات
وقلبي يصير قلبك
وقلبك يصير قلبي
ونلف هالمعبور
نوزع امل وسرور
وبهجة عَ كل الدور
لقلوب عم تشكي
لشفاه ما بتحكي
غابت عنا البسمي
مع أختها الضحكي
ونبقى نلف وندور
تَ تختفي العتمي
وت تضحك الضحكي
وتتبسّم البسمي
ويغمر الدنيا النور
حنا حبيب فرحة
2004-دبي
دانا انا بيّك، انا غسان
From Facebook