خبرية مهضومة…
في سنة الالفين كنت في جدة أعمل بشركة "أفكار برومو سفن" Copywriter Creative"…، وبمناسبة عيد ميلاد مدير الشركة فادي كليم سلامة، أحب الموظفين تكريمه … تولى عملية التكريم كميل وهبة … فراح جاب كعكة ودعا لموظفين اللبنانيين للحفلة … بعد ما تجمع الموظفين دخل فادي … لاحظ انو الكعكة كانت زغيرة وما في بين الحضور الاجانب … سأل كميل :وين باقي لموظفين خصوصاً الهنود … جاوب كميل:ما قلنالهم … غضب فادي وقال لكميل :انا ما بحضر الحفلة إذا ما بيحضر كل الموظفين … راح كميل وجمعهم كلهم…
ولما استلم فادي السكين ليقطع الكعكة، قرب مني الزميل إدمون سعادة، بعد ما لاحظ اني كتبت شي على الورقة، وكانوا الموظفين يلقبوني بشاعر "أفكار"، وقلي: "طلعت معك يا حنا…؟"قلتله :والله طلعت … قلي: شو قلت؟
قلتلو:
دخل فادي الأربعين يا ربّ ترأف وعين
عين هالشباب الحلوين الحَوْل الكعكة مجتمعين
قسم عينه عالكعكة وقسم عينه عالسكين…
قال، يللا ندخل لعند فادي حتى تقرالو ياها…
دخلنا، وبعد ما انتهيت من قرايتها علّق:
أعطيها لخطاط الشركة حتى يكتبها بحرف كبير وواضح، وبروزوها وعلقوها بالمكتب … وهكذا كان…
كانت أيام…!
حنا حبيب فرحة
16/8/2022
خبرية مهضومة
From Facebook