تطول الغربة … فتشتاق.
تشتاق الى المرقد، فانت محبٌ تواق
تشتاق الى الاهل والأصحاب والرفاق
تشتاق الى البيت والاحباب
تشتاق الى الأرض والتراب
تشتاق الى نغم العود والرباب
تشتاق الى الهواء والماء والجلسة تحت العريشة عند الباب
تشتاق الى ذيب وذيبة وذياب
تشتاق الى أحمد وطوني وايهاب
تشتاق الى صوت "الوديع ينادي مروان
"يا ابني يا مروان ع مهلك
خليك يا مروان مع أهلك
لبست قميصا الاخضر التلات
والسما والارض موجة نور
قوم يابني اشتاقت الكرمات
اشتاقت الرزقات للعجقات
وتلة الوادي وغمزة النايات
لمنجيرة الراعي وعيطة الناطور
هالارض منا ودمنا منها
والحب صورة مصغّرة عنا
شفافك ع بسمة حب مرّنها
متل ما نحنا تمرنا…،"
آخ يا وديع … يا بيي
عدت من الغربة يا بيي، ولو تشوف كيف استقبلوني عالمطار؟
بيي وديع … يا بيي
انا محل ما انا كنت، كنت قاعد مرتاح ومبسوط…
قالولي تعال شوف الوطن كيف صار…
صدّقتهن وجيت، ومن راسي عقلي طار…!
جيت وشفت كيف النظام عم بسود
والحرية ما الها حدود
والشعب شبعان مورد الخدود
وكيف الطوائف انفتحت على بعضها والغت السدود
والغرام بين الرياس ما بتتصوروا لعقول
يعني مش معقول
تعال وشوف بعينك كيف السير ماشي عالاصول
كل شوفير بسوق بلخط لمخصصلو على طول
ومن جهة تانية الغوا السمسرة والسماسرة وكل ورق البول
تعال يا بو الحبايب وبهالوطن جول…
عمال التنظيفات ما عاد إلهم لزوم
الطرق والشوارع عم تبرق برق
المغتربين والزوار متعجبين من هالتقدم اللي حصل
وصاروا متشوقين ل ايام الفجل والبصل…"
وهالحكي الو تتمة…!!!
حنا حبيب فرحة
31/7/2020
تطول الغربة … فتشتاق
From Facebook