الى سياسيينا "غير المحترمين…"
عرّيتو الما بيتعرّا…
عريتوا الما بيتعرّا
وطلّعتوا الشباب برا
وحولتوا الوطن غابي
عدخولوا اي لبناني
أو أي سايح من برّا
ما بيقدر … ما بيتجرّا…
شو قصتكم؟؟؟ وين رايحين؟
كلكم قرطة دجالين
عن الوطن مش ساءلين
وخلافاتكم وصلت عالصين
ومنكم" يا أحلى الحلوين…!"
عندي الكم طلب زغير
ادخلو عا اوضة النوم
جيبوا مراية وتمرّوا
عْبِسوا … فرحوا…
غنوا … شلحوا
وعا عوراتكم … دِلّوا
حتى الحقيقة تظهر
ولبنان يتبسّم … تمو
ويبين بياض سنو…!
أيمتى بتوعوا يا مساكين
على اموركم الداخليّي
وخلوا اللي برا … برا
وساعتها الوطن بقوم
قوي وثابت ومدعوم
على قوة ابناؤه…
والشباب اللي برا
بيرجعوا حتى يعيدوه
وطن الحرية الأوسع
ويرفعوه من هالجورة
اللي فيها نزّلتوه
ويبقى صامد وما يركع
وقوي وثابت تَ يرجع
وطن الحرية الأوحد
بكل ارجاء المعمورة…
حنا حبيب فرحة
27/2/2026
الى سياسيينا "غير المحترمين
From Facebook