الى إبنتي الحبيبة "عبير" في عيد ميلادها اليوم…
لقد كتبت هذه القصيدة عندما كان عمرها سبعة عشر عاماً … - يعني طفلة
جميلة بريئة ذكية محبة … والآن في عمر ال 44، ما ازال اعتبرها طفلة لم تتغير … وأعيد نشر قصيدتي التي كتبتها في هذه المناسبة وكنت خارج الوطن … واليكم ما كتبت:
يا حلوتي صرتي سبتعشر سني
أعوام متل الحلم مرت عالدني
وظلّيت كل هالوثت أشمّ ال"عبير"
الفاح من "هالورد"(1) في البيت الهني
جيتي ومعك جبتي يا عبير الحمال
بعتّي الأمل بنفوس كانت بالخيال
تفتش ع زهرة حب للحب النقي
تفتش على عَينين فيهم الشعر قال
كل كلمة سحر فيها بيِعْتني
تفتش على الطيبي اللي كلا كمال
تضمّد جروح الحب حاج معذّبي
يا ريتني حدّك بعيدك هالسني
تا ضمك لصدري وفيكي إعتني
وبوّس الإم اللي هدتني هالجمال
وقلك كلمة جَد حاملها معي
ينعاد عليكي العيد وتظلّي مثال
للحب، للآخلاق والعيش الرَضي
! -إسم الوالدة
والدك المحب حنا حبيب فرحة
جدة في 26/2/1999
الى إبنتي الحبيبة "عبير" في عيد ميلادها اليوم
From Facebook