الذكريات…!
الحلو بهالذكريات إنّا زمَطنا فيها
سرقوا كل شي معنا … وعنا
بس ما قدروا يسرقوا ذكرياتنا … ذكريات الضيعة
قنديل الزيت والنملية … واليوك
بيوت الحجر والقرميد اللي عمرها معمارية ضهور الشوير
الحاكورة خلف الدار المزروعة فل وورد وياسمين
جلالي التفاح والتوت وعرابش العنب واشجار التين
العين وجرار المي واباريق الفخار من راشيا الفخار
طربوش جدي وصايته الحريرية
جرن الكبة والمحدلة والمهباج يغرد في الدار كل صبحية
ذكريات … منتمسك فيها ومنرفض يتمسّك فيها الحرامية
سرقوا كل شي معنا وعنا
بس ما قدروا يوصلوا لذكرياتنا الحلوة
… رح نحتفظ فيها
بركي عدنا للحياة مرة تانية بعد ما تنظف من هالسياسيين اللصوص
بركي … ايه بركي
تمسّكو بذكرياتكم يا ناس … بركي…
حنا حبيب فرحة
نشرت سابقا ب 12/11/2015
الذكريات
From Facebook