إيليا ابو شديد
بنت 18…!
عمري؟
وشو عمري انا؟
يمكن شقا
يمكن هنا…
عمري تمنتعشر سِنِه
وعمر الدني
عمري انا…
عمري يا عمر الولدنِه
شو الهمّ؟
شو فقر وغنى
وبن السعادِه بتبِني
وكيف هالكون انبنى
وشو العمر
شو عمري أنا؟
عمري تمنتعشر سِنِه
عمر ال ما بعرف شو بِني
قبالي مرايه ملوّني
تسأ ل لوإسأل شو انا؟
سحبة رمح ما بينحِني
او شلح زنبق ما انحنى
ولا هرت وراقو الدِني
ولا داق من طعم الفنا
وبالعمر
من عمري انا…
بغار … وما بعرف غار
يا حب يا عصفور جِنحو ليلكي
كلما إجا مشوار
وقلّي يا هالحلوِه انا قلبي لِكي
وغا بِركة الزنبق … تِكي
عطشان!…
قلبو … نار!
بيشرب من عيوني البِكي
وبيكون عالقرميد غط وطار
وطيَّر معو كل الهنا
وعمري…
وشو عمري انا؟!
من كتاب زورق" البحّار"
منشورات-حركة الشعر اللبناني 1988
رحمك الله يا صديقي إيليا، يا شاعرنا المبدع…
حنا حبيب فرحة
16/4/24
إيليا ابو شديد
From Facebook