أمثال شعبية غير شِكِلْ… - الكلمات أقزام والأمثلة عمالقة… - إذا رميتو بالبحر بيطلع وبتمو سمكة (محظوظ) - لو ما حكيت … كنت غْنيت (احسنلك ظل ساكت … ما تحكي) - الرجال بلا كرش، متل البيت بلا فرش (انا بكرش والبيت مليان فرش) - إن كان الكنافة بيدخلها توم، الموراني بحب الروم - موراني خيِّر … شي بحيّر… - كول عسل وطعمي إبنك خرا … إيامو لقدام وإيامك لورا… - ابوك البصل وامك التوم، والريحة الطيبة منين تجيلك… - إذا تاجرنا بالطرابيش’بتخلق الناس بلا روس … واختها : - المنحوس منحوس، لو علّقوا بطيزو فانوس … إن مشي بيبنطفي وإن ضرط بنوص… - ابو رشدو طلّق مرتو من خوفو ليعشيها … إن جاعت بتاكل دقنو. وإن شبعت بتخرا فيها… - الشيطان أستاذ الرجل وتلميذ المرا… - كول ملح وزيت والبط الحيط… - الحب وردة والمرا شوكتها … (شو ها التحامل عالمرا…؟ - بيضرط من طيز واسعة يطلب دوا للعافية - النسوان جواهر وقواهر وعواهر - إذا قلنالك الدار دارك، بتخُش انت وحمارك… - إبن الإبن إبن الحبيب، إبن البنت إبن الغريب… - الطيز النقّلي، ما هي شغاّلي… - أكل صابيعو ندامي … (تعبير عن الندم) - صوم وصلي بتكبك القلّي(او رزقك بولّي) - طب الجرة ع تمها بتطلع البنت لإمها - إبن الأخت ولو بار، تلتينو للخال - انا وخيي ع ابن عمي، وانا وإبن عمي عالغريب… - إبنك ما بتعَلمو الدهر بعلمو… وهناك المئات من هالنوع من الأمثال الشعبية … جمعها الدكتور انيس فريحة في كتابه الرائع "معجم الأمثال اللبنانية الحديثة(-عربي - انكليزي)والذي يحتوي على 4248 مثل والصادر عن دار "مكتبة لبنان…
ولا تنسو بأننا على موعد مع كتابي "تفسير الأمثال الشعبية "عندما تتوقف حفلة الجنون وتروق البلاد إستمتعوا في هذه الايام الغير شكل مع تحياتي للجميع… حنا حبيب فرحة 13/10/2024 حنا حبيب فرحة